`

ano ba basehan mo sa pagpili ng isang kaibigan?

o kaya ng isang makakarelasyon?
kahit ba fling lang o seryosohan na?

may nagtanong sa akin dati kung ano pipiliin ko: yun bang single pero gusto ko pa lang
o yun bang taken pero mahal ko na? 'kako, imposible mangyari 'yon. pwede pa siguro infatuation pero "mahal", parang malabo.

lalo na sa panahon ngayon na uso ang first impressions .

kapag burag-burag mukha mo, bagsak ka.
kapag maganda ka, pero hindi naman kanais-nais hininga mo, bagsak ka (iirapan ka pa ng crush mo, sabay takip pa sa ilong).

at lalo na kapag mukha kang adik o kaya holdaper, halos wala nang makipagkaibigan sa iyo.

kahit na nga ipangalandakan mo pa na may mabuti kang puso, 'yung pagka-angas pa rin ng itsura mo ang dudurog sa buong pagkatao mo.


`

sa asaran ng tropa, minsan hindi ako sumasali diyan. alam ko kasi na marami ring ipang-aalaska sa akin. dati pa kasi ako naapektuhan niyan. alam kong mas masakit pa iyon sa suntok, sipa, tadyak (idugtong mo na 'yung mas morbid pa na naiisip mo). kasi uukilkil ito sa utak mo ng maraming taon. maaapektuhan ang self-esteem pati confidence mo sa sarili. suwerte mo kapag biglang nawala sa isip mo. 'yung ibang asar, kunwari, nakiki-ride on ka lang, pero deep inside, sapul. 'yan ang LAIT, simple, pero matagal mawala ang sakit.

`

"..lahat naman ng tao, pinagkalooban ng kabutihan. paligid niya lang ang nagdidikta kung kanino, kailan, saan, paano, bakit niya ipadadama ito.."
- (mula sa isang kaibigan)




`


naniniwala ka bang mabuting tao ka?
kung oo, sa anong paraan?
kung hindi, bakit?

naranasan mo na bang malait? ano naging epekto nito sa iyo? 'Yung totoo?







`